सुनको मूल्य तोलामा २१ सय रुपैयाँले घट्यो, चाँदी पनि सस्तियो

नेपाली बजारमा सुनको मूल्य प्रतितोला २ हजार १०० रुपैयाँले घटेको छ। नेपाल सुनचाँदी व्यवसायी महासंघका अनुसार सोमबार सुनको मूल्य घटेर प्रतितोला २ लाख ९४ हजार ४०० रुपैयाँ कायम भएको छ।

यसअघि आइतबार सुनको मूल्य प्रतितोला २ लाख ९६ हजार ५०० रुपैयाँ थियो। एकै दिनमा सुनको मूल्य घटेसँगै उपभोक्तालाई सुन खरिद गर्न केही सहज हुने देखिएको छ।

त्यस्तै, चाँदीको मूल्यमा पनि गिरावट आएको छ। सोमबार चाँदीको मूल्य प्रतितोला २५ रुपैयाँले घटेर ४ हजार ४१५ रुपैयाँ कायम भएको महासंघले जनाएको छ।

आइतबार चाँदी प्रतितोला ४ हजार ४४० रुपैयाँमा कारोबार भएको थियो।

यसरी सुन र चाँदी दुवैको मूल्य घटेपछि गहना खरिद गर्ने उपभोक्ता तथा सुनचाँदीको कारोबारमा संलग्न व्यवसायीहरूले बजारको मूल्य परिवर्तनलाई चासोका साथ हेरेका छन्।