युनिलिभर नेपालले सेयरधनीलाई प्रतिकित्ता १ हजार ५४० रुपैयाँ लाभांश दिने

युनिलिभर नेपाल लिमिटेडले आर्थिक वर्ष २०८२/८३ को नाफाबाट सेयरधनीलाई प्रतिकित्ता १ हजार ५४० रुपैयाँ लाभांश वितरण गर्ने प्रस्ताव गरेको छ।

कम्पनीको सञ्चालक समितिको बैठकले आर्थिक वर्ष २०८२/८३ को लेखापरीक्षण सम्पन्न वार्षिक वित्तीय विवरण स्वीकृत गर्दै लाभांश वितरण गर्ने निर्णय गरेको हो।

लाभांश वितरणका लागि कम्पनीले आगामी मंसिर ९ गतेदेखि २३ गतेसम्म सेयरधनी दर्ता किताब बन्द गर्ने जनाएको छ। त्यसैले मंसिर ८ गतेसम्म सेयरधनीका रूपमा कायम रहेका लगानीकर्ताले मात्र प्रस्तावित लाभांश प्राप्त गर्न सक्नेछन्।

कम्पनीले प्रस्ताव गरेको लाभांश आगामी वार्षिक साधारणसभाबाट पारित भएपछि सेयरधनीलाई वितरण गरिनेछ।