आज महानवमी: शक्तिपीठहरूमा नवदुर्गाको विशेष पूजाआजा

बडादशैँको नवौँ दिन आज महानवमी पर्व देशभर श्रद्धा र भक्तिभावका साथ मनाइँदैछ। यस अवसरमा विभिन्न शक्तिपीठ तथा दुर्गा मन्दिरहरूमा नवदुर्गाको विशेष पूजाआजा गर्न बिहानैदेखि भक्तजनको चहलपहल बढेको छ।

महानवमीका दिन देवी दुर्गाको पूजा आराधना गर्दा सुख, शान्ति र समृद्धि प्राप्त हुने धार्मिक विश्वास छ। देशका विभिन्न स्थानमा रहेका शक्तिपीठहरूमा दर्शन गर्न भक्तजन पुगिरहेका छन् भने घरघरमा पनि विधिपूर्वक पूजा गरी दशैँ मनाउने तयारी गरिएको छ।