नेपाली कांग्रेसको १५औँ महाधिवेशनअन्तर्गत सहमहामन्त्री पदको मतगणनामा खुलातर्फ रामहरि खतिवडा र अजयबाबु शिवाकोटीले अग्रता कायम राखेका छन्। महिलातर्फ प्रतिमा गौतमले फराकिलो अग्रता बनाएकी छन्।
खुलातर्फ सहमहामन्त्रीका दुई पदका लागि नौ जना उम्मेदवारबीच प्रतिस्पर्धा भइरहेको छ। हालसम्म गणना भएका २ हजार ४९१ मतमध्ये रामहरि खतिवडाले १ हजार १२५ मत प्राप्त गर्दै पहिलो स्थानमा रहेका छन्। अजयबाबु शिवाकोटी ८०६ मतसहित दोस्रो स्थानमा छन्।
त्यस्तै, डिल्लीराम सुवेदीले ६१० मत प्राप्त गरेका छन् भने देवेन्द्रराज कँडेलले ५२४ र विकास कोइरालाले ४१५ मत पाएका छन्। राजीव ढुंगानाले ३७४, रमेशप्रसाद धमलाले २९३, अमृतकुमार अर्यालले २७२ र विमलराज क्षेत्रीले ९९ मत प्राप्त गरेका छन्।
यसैगरी, महिला सहमहामन्त्री पदको मतगणनामा प्रतिमा गौतमले अग्रता कायम राखेकी छन्। गणना भएका २ हजार ४९० मतमध्ये गौतमले १ हजार ६७८ मत प्राप्त गरेकी छन्। उनकी प्रतिस्पर्धी नानू बास्तोलाले ४७९ मत पाएकी छन्।
मतगणना जारी रहेकाले अन्तिम नतिजाका लागि थप प्रतीक्षा गर्नुपर्नेछ।
सरकार र पार्टीबीच कुनै अन्तरद्वन्द्व छैन : रवि लामिछाने
‘प्रहरीको बुटले जनताको आवाज थुन्न सकिँदैन’ : आजपा प्रवक्ता सुभाष साह
आज रास्वपा सचिवालय बैठक बस्दै
देउवा समूहले खुलामञ्चमा महाधिवेशन गर्ने
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन