पत्रकार किशोर श्रेष्ठ आफ्नै निवासबाट पक्राउ, साइबर ब्युरो लगिँदै

काठमाडौं । पत्रकार किशोर श्रेष्ठलाई प्रहरीले आफ्नै निवासबाट पक्राउ गरेको छ। डिसी नेपालको समाचारअनुसार, वर्तमान बालेन्द्र शाह नेतृत्वको सरकार गठन भएयता श्रेष्ठ दोस्रो पटक पक्राउ परेका हुन्।

राष्ट्रिय स्वतन्त्र पार्टी (रास्वपा) का नेता तथा कलाकार हिमेश पन्तले श्रेष्ठविरुद्ध जाहेरी दिएका थिए। पन्तको परिवारले जग्गा कब्जा गरेको भन्ने विषयमा समाचार प्रकाशित भएपछि उनीविरुद्ध जाहेरी परेको बताइएको छ।

यद्यपि, श्रेष्ठलाई अहिले कुन जाहेरीका आधारमा पक्राउ गरिएको हो भन्नेबारे प्रहरीले आधिकारिक जानकारी सार्वजनिक गरेको छैन।

श्रेष्ठलाई पक्राउ गरेपछि साइबर ब्युरो लगिँदै गरेको समाचारमा उल्लेख छ। पक्राउको कारण र घटनासम्बन्धी थप विवरण भने प्रहरीले औपचारिक रूपमा पुष्टि गर्न बाँकी छ।