बारामा सर्पको टोकाइबाट चार वर्षीय बालकको मृत्यु

बाराको विश्रामपुर गाउँपालिकामा विषालु सर्पको टोकाइबाट चार वर्षीय बालकको मृत्यु भएको छ।

मृत्यु हुनेमा भारतको बिहारस्थित पूर्वी चम्पारण, पकडिया स्थायी घर भएका गजेन्द्र प्रसाद पालका छोरा आदित्य प्रसाद पाल रहेका छन्। उनी आमासँगै विगत एक महिनादेखि बाराको विश्रामपुर गाउँपालिका–५, इटियाहीस्थित मामाघरमा बस्दै आएका थिए।

आइतबार साँझ करिब ५:३० बजे मामाघरअगाडि खेलिरहेका बेला बालकलाई विषालु कोब्रा सर्पले बायाँ खुट्टामा टोकेको थियो। गम्भीर घाइते भएका उनलाई तत्काल उपचारका लागि वीरगञ्जस्थित नारायणी अस्पताल लगिएको थियो। तर, चिकित्सकले साँझ ६ बजे नै उनको मृत्यु भएको घोषणा गरेका थिए।

घटनाबारे जानकारी पाएपछि मुसहरवा प्रहरी चौकीबाट प्रहरी टोली खटिएको थियो। बालकका मामा जितेन्द्र कुमार पालले साँझ शव घर ल्याएका छन्।

घटनाबारे प्रहरीले थप अनुसन्धान गरिरहेको जनाएको छ।