बाराको जितपुरसिमरामा कुलोमा पुरुषको शव फेला

बाराको जितपुरसिमरा उपमहानगरपालिका–७ मा बुधबार बिहान कुलोमा एक पुरुषको शव फेला परेको छ। मृतकको उमेर करिब ५५ वर्ष रहेको जनाइएको छ।

स्थानीयका अनुसार मृतक जितपुर निवासी हरिनारायण सहनी (बिल्टु) हुन्। उनी मंगलबार राति घर नफर्किएपछि परिवारले खोजी गरिरहेको थियो। बुधबार बिहान उनकी श्रीमतीले कुलोमा शव देखेपछि स्थानीयलाई खबर गरेकी थिइन्। घटनाको जानकारी पाएलगत्तै इलाका प्रहरी कार्यालय सिमराबाट प्रहरी टोली घटनास्थल पुगेको थियो। 

स्थानीय सञ्चारकर्मी मनोज साहका अनुसार प्रहरीले घटनाबारे जानकारी संकलन गरिरहेको छ। पुरुषको मृत्यु कुन कारणले भएको हो भन्नेबारे अहिलेसम्म खुल्न सकेको छैन। घटनाबारे थप विवरण आउन बाँकी रहेको छ।